ولله قلبي بيتقطع عليك يا أبو مازن
وقلبي بيتقطع أكتر على الشعب الفلسطيني
فعلا الله يعينك يا شيخ
وانا أقول الجماعه هناك هايقطعوا بعض من أجل السطو على السلطه ليه
أتاري يا عيني اللي بيمسك هناك بيكون مسكين كده زي عمنا أبو مازن
ومن قبله الله يرحمه ياسر عرفات اللي توفى وربك العالم كان عنده كام في بنوك سويسرا
والأخوه في فلسطين بيهاجموا مصر عشان الغاز والأسمنت
والأخوه اللي في الجامعات ومعاهم الأخوان المسلمين عمالين يقولوا أنصروا غزه
ومظاهرات وكلام كبير عن التحرير
وضرورة الوقوف للعدو الصهيوني
ويوجد من هاجم مصر منهم بسبب موضوع الحدود
طيب روحوا شوفوا الحراميه اللي عندهم الأول وبعدها اتكلموا عن الحدود واتكلموا عن مصر
الراجل في رجله جزمه ثمنها يوكل حي سكني بالكامل
وانتم بتعملوا مظاهرات عشان غزه
إذا كان القائمين على الأمر عندهم مش محروقين أوي كده عليها زينا
يبقى ايه اللي احنا بنعملوا في روحنا ده؟
شايفين الرئيس عامل ايه ومن قبله عرفات كانت ثروته كام؟
وياريته سرق وترك حاجه لباقي الناس هناك
ولكن ده باين عليه سفاح
لما بيسرق بياخد كل حاجه
ياريت ننظر لنفسنا شويه
ونعرف أن بلدنا هي الأولى بتفكيرنا عن أي حد تاني
ناصر القضية الفلسطينيه كما تشاء
لكن ليس لدرجة أنك تيجي على بلدك لصالحهم
وعاتب على الأخوه الفلسطينيين اللي بيهاجموا مصر بمناسبة وبدون مناسبه في المواقع العربيه المختلفه
واتهام مصر الدائم بأنها سبب الكوارث وأنها عميله لليهود
وأن علاقة مصر واسرائيل هي السبب فيما وصل إليه الحال بفلسطين
فالرجاء من الأخوه في فلسطين أن ينظروا للمسئولين عندهم أولا
وعندها سيعرفوا لماذا لم تحل القضية الفلسطينيه إلى الآن
